İstifadə şərtləri və istifadəçi haqları

Bu bölmə Azeri.pro platformasından istifadə edən hər kəs üçün hüquq və öhdəlikləri ümumi şəkildə izah edir. Saytdan istifadə etməklə bu şərtləri qəbul etmiş sayılırsınız.

1. Xidmətin məzmunu

Azeri.pro istifadəçilərə onlayn dinləmə, pleylist yaratma, mahnı yükləmə icazəsi olan kontenti yükləmə və digər istifadəçilərlə qarşılıqlı əlaqə imkanları təqdim edir. Xidmətin funksionallığı zamanla yenilənə və dəyişdirilə bilər.

2. İstifadəçi haqları

Profil məlumatlarınızı idarə etmək, yeniləmək və silmək hüququna maliksiniz.
Qaydaları pozmamaq şərti ilə mahnı yükləmək, bəyənmək, şərh yazmaq və başqa istifadəçiləri izləmək hüququnuz var.
Hesabınızın təhlükəsizliyi ilə bağlı şübhə yarandıqda bizə müraciət etmək və dəstək tələb etmək hüququnuz var.
Müəllif hüququnuzun pozulduğunu düşünürsünüzsə, bu barədə rəsmi sorğu göndərmək və kontentin müvəqqəti və ya tam silinməsini tələb etmək hüququnuz var.

3. İstifadəçi öhdəlikləri

Hesab məlumatlarınızı (xüsusilə giriş üçün istifadə etdiyiniz email və ya Google hesabınıza çıxışı) üçüncü şəxslərlə paylaşmamaq.
Başqa istifadəçilərin hüquqlarını, şəxsi məlumatlarını və ləyaqətini pozmamaq.
Platformadan yalnız qanuni məqsədlərlə istifadə etmək və Azərbaycan Respublikasının qüvvədə olan qanunvericiliyinə zidd hərəkətlərdən çəkinmək.

4. Məlumatların qorunması

Azeri.pro istifadəçi məlumatlarını minimum həcmdə toplayır və xidmətin göstərilməsi üçün zəruri olduğu qədər saxlayır. Giriş sistemi Google hesabına əsaslandığı üçün parollar birbaşa platformada saxlanılmır. Brauzerinizdə saxlanılan kukilər yalnız sessiya və funksional istifadə üçün tətbiq edilir.

5. Xidmətin dəyişdirilməsi və sonlandırılması

Platformanın funksiyaları, dizaynı və qaydaları zamanla dəyişdirilə bilər. Uzun müddət qaydaları kobud şəkildə pozan istifadəçilərin hesabları xəbərdarlıqsız bağlana bilər. Bu halda, hüquqlarının pozulduğunu düşünən istifadəçi əlaqə bölməsindən müraciət edə bilər.

6. Məsuliyyətin məhdudlaşdırılması

Azeri.pro istifadəçilər tərəfindən yüklənən kontentin hüquqi məsuliyyətini daşımaz; lakin qanun pozuntusu aşkarlandıqda və ya rəsmi şikayət daxil olduqda həmin kontent platformadan silinə və aidiyyəti orqanlarla əməkdaşlıq edilə bilər.

Saytdan istifadə etməyə davam etməklə bu şərtləri qəbul etdiyinizi təsdiq etmiş olursunuz. Şərtlərlə bağlı sualınız və ya təklifiniz olduqda əlaqə bölümündən bizə yazmağınız kifayətdir.